Xüsusi karantin rejimi nə vaxt ləğv ediləcək? – AÇIQLAMAbackend

Xüsusi karantin rejimi nə vaxt ləğv ediləcək? – AÇIQLAMA

  • whatsapp
  • messenger
  • telegram
  • vkontakte
  • odnoklassniki

“Bu fikirlə razıyam ki, pandemiya sona doğru gedir. Çünki yoluxma indeksinin yüksək olması və buna baxmayaraq ölüm hallarının minimal olması buna işarədir”.

Bu sözləri açıqlamasında tibb elmləri doktoru, professor Adil Qeybulla bildirib.

Professor hesab edir ki, pandemiya olduğu müddətdə karantin müəyyən səviyyədə qalmalıdır: “Karantinin sərtləşdirilməsi və ya yumşaldılması epidemioloji duruma bağlıdır. Bir müddətdən sonra yumşalmalara getmək olar. Ümumdünya Səhiyyə Təşkilatının (ÜST) pandemiyanın bitməsi ilə bağlı elanı ortada olduğu halda karantin tamamilə ləğv ediləcək”.

Qeyd edək ki, Azərbaycanın səhiyyə naziri Teymur Musayev bu gün mətbuata açıqlamasında deyib ki, ölkədə koronavirusa ölüm halları minimal səviyyədədir və buna görə pandemiyanın sonuna doğru getdiyini bəyan edə bilər.