Həvəskar üzgüçü Sevda Zülfüqarlı Xəzər dənizinin dərinliklərinə enərək Azərbaycan bayrağını dalğalandırıb.
TİA.AZ-ın “Xəzər” TV-yə istinadən məlumatına görə, Sevda Zülfüqarlı illərdir arzusunda olduğu xəyalını reallaşdırıb.
O, uzun müddət hazırlaşdıqdan sonra peşəkar dalğıcların müşayiəti ilə Xəzərin dərinliyinə enərək üçrəngli Azərbaycan bayrağını dalğalandırıb.
Sevda Zülfüqarlı deyir ki, çəkiliş prosesi zamanı gözlənilmədən çətinliklə üzləşiblər. Qəfildən yağış başladığından onlar üçün çətin olub.
Həvəskar dalğıc bundan sonra daha çətin şəraitdə bayrağımızı dalğalandırmağı düşünür.
