Vaşinqton Rusiyaya qarşı sanksiyalara qoşulmayan Çin şirkətlərinin ABŞ-dan ixracatına qadağa qoya bilər.
TİA .AZ xəbər verir ki, Rusiyaya yarımkeçiricilər və digər müasir texnoloji vasitələrin tədarükünü davam etdirən şirkətlər Birləşmiş Ştatlardan avadanlıq və proqram təminatı ala bilməyəcəklər. Müvafiq açıqlama ilə ABŞ-ın ticarət naziri Cina Raymondo “The New York Times” qəzetinə müsahibəsində çıxış edib. Onun sözlərinə görə, Çinin mikrosxem istehsalçısı olan “SMIC” konserni artıq nazirliyin qara siyahısına əlavə edilib.
