Vətən müharibəsinin iştirakçısı Kür çayında batdıbackend

Vətən müharibəsinin iştirakçısı Kür çayında batdı

  • whatsapp
  • messenger
  • telegram
  • vkontakte
  • odnoklassniki
Vətən Müharibəsinin iştirakçısı Sadıxbəyli Ramin Qaçay oğlu Kürdə batıb.
Mingəçevir şəhəri ərazisindən qayıqla balıq ovuna çıxmış 1983-cü il təvəllüdlü Yusifov Səfxan Aydın oğlu və 1995-ci il təvəllüdlü Sadıxbəyli Ramin Qaçay oğlunun Kür çayında batmalarına əsaslı şübhələrin olması barədə FHN-ə məlumat daxil olub.
TİA.AZ nazirliyə istinadən xəbər verir ki, axtarış tədbirləri nəticəsində çay qırağında axtarışda olan şəxslərə aid qayıq aşkar olunub.
Fövqəladə Hallar Nazirliyindən bildirilib ki, bu gün səhər saatlarından etibarən Kür çayında axtarış zonası daha da genişləndirilərək (Mingəçevir və Yevlax şəhərlərinə yaxın ərazidə) axtarışlar intensiv şəkildə davam etdirilir.
Batmış şəxslərdən R.Sadıxbəylinin yaxınlarının Trend-ə bildiriklərinə görə, o, Vətən müharibəsində iştirak edib, bu il yanvarın əvvəllərində evə buraxılıb. Mingəçevir şəhərinə isə qonaq gedib. 31 yanvar tarixində Yusifov Səfxan Aydın oğluna aid qayıqla Kür çayında balıq tutmağa gedib. Saat 17.00-dan sonra isə ondan xəbər almaq mümkün olmayıb.