Sosial şəbəkələrdə Vətən müharibəsində iştirak etmiş daha bir qazinin ciddi müalicəyə ehtiyacı olduğunu bildirən videogörüntülər yayılıb.
Baku TV xəbər verir ki, Ağdaş rayonun Ovuçlu kəndində yaşayan 1995-ci il təvvəlüdlü Şahmar Tarverdiyev müharibədə ciddi travma alıb.
Qazinin ailəsi bildirib ki, Ş.Tarverdiyevin vəziyyətindən ciddi sarsıntı keçiriblər.
Yayılan görüntülərdən sonra Ş.Tarverdiyev Bakıya gətirilib. O, Maştağada yerləşən 1 nömrəli Respublika Psixiatriya Xəstəxanasına yerləşdirilib.
