“Rayonlardan keçmək mümkün deyil, camaat “uşaqpulu” istəyir” – Vahid Əhmədovbackend

“Rayonlardan keçmək mümkün deyil, camaat “uşaqpulu” istəyir” – Vahid Əhmədov

Bu gün Milli Məclisin İqtisadi siyasət, sənaye və sahibkarlıq komitəsinin iclası keçirilib. Toplantıda çıxış edən iqtisadçı, millət vəkili Vahid Əhmədov bir sıra məsələlərə toxunub.

“AzPolitika.info” xəbər verir ki, deputat əvvəlcə 2018- ci ildə qəbul edilmiş “Reklam haqqında” qanunun işləməməsindən danışıb. O qeyd edib ki,qanun qəbul edildikdən sonra ölkədə Reklam Agentliyi yaradılıb: “Bizim hesablamalarımıza görə, reklamdan 250-300 milyon vəsait dövlət büdcəsinə daxil olmalı idi. Ancaq indiyə kimi bundan 5 dəfə az vəsait dövlət büdcəsinə daxil olub. Bu qanunun həyata keçirilməsiylə bağlı ciddi problem var. Mənə 20-dən çox ziyalı müraciət edib. Bildirirlər ki, ölkədə Azərbaycan dilindən başqa bütün dillərdə reklam var. Dövlət dili ilə bağlı məsələ həll edilmir. Təklif edirəm ki, həmin agentliklə birgə dinləmələr keçirilsin”.

Deputat banklardakı problemə də toxunub. Bildirib ki, hazırda insanlar kredit ala bilmir. Millət vəkili qeyd edib ki, bununla bağlı Azərbaycan Mərkəzi Bankl ilə dinləmələr keçirilməlidir.

Deputat vurğulayıb ki, Rəqabət Məcəlləsinin qəbul olunması vacibdir: “Biz bu məsələni qaldırmaqdan yorulmuşuq. Məcəlləni biz qəbul etməliyik. Hər sessiyada bizə deyirlər ki, gələn sessiya hazır olacaq”.

V. Əhmədov “uşaqpulu” məsələsindən də danışıb. O qeyd edib ki, bu məsələylə bağlı çoxlu müraciətlər var: “Rayonlardan keçmək mümkün deyil. Camaat “uşaqpulu” məsələsini qaldırır. Nazirliyin müəyyən arqumentləri var. Amma bizim də arqumentlərimiz var. Biz bu məsələni müzakirə edək görək, onu həll edə bilərikmi?”.

  • whatsapp
  • messenger
  • telegram
  • vkontakte
  • odnoklassniki