Tribuna İnformasiya Agentliyi

Ukraynada prezident seçkilərinin tarixi təyin edilib

27 Noyabr

Ukrayna Ali Radası (parlament) ölkədə növbəti prezident seçkilərini 31 mart 2019-cu il tarixinə təyin edib.

“Report” RİA “Novosti”yə istinadən xəbər verir ki, parlament müvafiq qərarı bazar ertəsi qəbul edib.

Qərarın lehinə 298 deputat səs verib.

“Biz qərarı qəbul etdik”, — deyə səsvermədən sonra Rada spikeri Andrey Parubi bildirib.

Qərara əsasən, sənəd qəbul olunduğu gündən qüvvəyə minir.

Bundan əvvəl Ukrayna prezidenti Petro Poroşenko ölkə ərazisində hərbi vəziyyət tətbiq etmək barədə qərar qəbul edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.