Ukrayna Prezidenti Volodimir Zelenski Baş nazir Denis Şmıqala Ukrayna vətəndaşlığını almaq üçün məcburi imtahanın tətbiqi məsələsini həll etməyi tapşırıb.
TİA.AZ xəbər verir ki, bu barədə “TASS” məlumat yayıb.
Bildirilib ki, beləliklə dövlət başçısı Ukrayna pasportu almaq istəyənlər üçün imtahanın tətbiqinin zəruriliyi ilə bağlı yerli əhali arasında keçirilən petisiyaya cavab verib.
Qeyd edək ki, həmin petisiyanı 26 min Ukrayna vətəndaşı dəstəkləyib.
