Tribuna İnformasiya Agentliyi

Ukrayna əcnəbilərin Krıma girişini bağladı

30 Noyabr

“Hərbi vəziyyətə görə yalnız Ukrayna vətəndaşları işğal olunmuş Krımla inzibati sərhədi keçə bilərlər”.

Yerli mətbuat yazır ki, bunu Ukrayna Dövlət Sərhəd Xidməti rəhbərinin birinci müavini Vasili Servatük deyib.

“Ukraya vətəndaşları əvvəlki kimi, dövlət sərhədini, həmçinin giriş-çıxış nöqtələrini və ətraf mühitin mühafizəsi sahəsindəki demarkasiya xəttini sərbəst şəkildə keçə bilərlər”, – deyə o əlavə edib.

Eyni zamanda Servatük qeyd edib ki, sərhədçilər “risk qrupuna daxil olan şəxslər”ə xüsusi diqqət yetirirlər, həmçinin nəqliyyat vasitələrini daha diqqətlə yoxlayırlar.

Bundan əvvəl Azov dənizində Rusiya ilə yaşanmış hadisə səbəbindən Ukraynada hərbi vəziyyət elan olunub.