“”Aqroservis” ASC-nin Akşin adlı şöbə müdiri vəzifə səlahiyyətlərindən sui-istifadə edib dövlətin ayırdığı büdcə vəsaitini talan etməklə məşğuldur. Buna görə biz min-bir əziyyətlə pul qazanan zəhmətkeş insanlar borc içində yaşamağa məhkum olmuşuq”. Bu barədə TİA.AZ-a “Ucar Aqroservis”in işçiləri tərəfindən edilən müraciətdə deyilir.
Müraciətdə daha sonra bildirilir: “Belə ki, biz Ucar “Aqroservis”-dən 2014-cü il tarixdə lizinq yolu ilə kənd təsərrüfatı texnikası götürüb işlədirik və vaxtlı-vaxtında pulumuzu ödəyirdik. Hər il üçün taxıl biçimi mövsümündə gecə-gündüz işləyib pulu ödəmişik.
Qanuna əsasən lizinq yolu ilə götürdüyümüz texnikaların təmirini “Aqroservis” ASC həyata keçirməlidir.Ancaq yuxarıda qeyd etdiyimiz kimi “Aqroservis”in Akşin adlı şöbə müdiri ayrılan vəsaiti təyinatı üzrə xərcləmədən şəxsi maraqlarına görə talan edir.
Bu il texnikanın nasazlığına görə vətəndaşın taxilini biçən zaman məhsulun 743 kq yerə tökülərək zay olmuşdur.
Mən bu barədə dərhal baş idarəyə məlumat vermişəm.Ucar rayonuna gələ “Aqroservis” ASC-nin əməkdaş Tariyel Babayev texnikalara baxış keçirib nasaz olmasına dair akt tərtib etdilər.
Buna görə biz “Aqroservis”-ə məlumat verib müqaviləni dayandırmağı xahiş etdik.
Həmçinin onuda qeyd edək ki, Ucar rayon Aqroservisində olan taxıl yığan kombaynların hamısı cprs aparatını söndürüb başqa rayonlara gedib oarada işləsələrdə biz ikimiz Ucar rayonunun kəndlərində vətəndaşların taxılını yığmışıq.
Xahiş edirik, şikayət ərizəmizi bizim iştirakımızla yerində araşdırıb “Aqroservis” ASC-nin Aqşin adlı şöbə müdirinin barəsində ciddi tədbirlər görəsiniz”.Tia.az olaraq iddia olunanlarla bağlı bütün maraqlı tərəfləri dinləməyə hazırıq…