Türkiyədə sel fəlakətindən ölənlərin sayı 58 nəfərə çatıb.
TİA.AZ-ın xəbərinə görə, bu barədə Türkiyənin daxili işlər naziri Süleyman Soylu bildirib.
Nazir deyib ki, fəlakət bölgəsində Kastamonuda 48, Sinopta 9, Bartında isə bir nəfər həyatını itirib.
Sel qurbanlarının 15-nin kimliyi hələ bilinmir.
Nazir fəlakət nəticəsində Kastamonuda 62, Sinopda 15 olmaqla, ümumilikdə 77 nəfərin itkin düşdüyünü qeyd edib.
