Tribuna İnformasiya Agentliyi

Türkiyə heç vaxt pulun əsiri olmayıb – Tatlısəs

12 Avqust

Bayrağımızı sinəsinə qoyan, heç vaxt üstünə çıxmayan, digərləri boş-boş baxarkən əvvəlcə bayrağını düşünən bir adam var. Nə ac qalarıq, nə bayırda qalarıq. Bura Türkiyə Cümhuriyyətidir. Hər kəs bunu belə bilsin.

Kult.az xəbər verir ki, bu sözləri türkiyəli məşhur müğənni İbrahim Tatlısəs son günlər türk lirəsinin dollar qarşısında dəyər itirməsinə münasibət bildirərkən deyib. O, Türkiyə xalqını çətin günlərdə dözümlü olmağa çağırıb:

“Cənab Prezidentimiz Rəcəb Tayyib Ərdoğana inamım tamdır. İqtisadiyyatımızı çökdürmək istəyən, daxildən və xaricdən bizə müharibə başladan düşmənlər, xainlər yenə qalib gələ bilməyəcəklər.

Bizim elə bir liderimiz var ki, nə ölkəmizin adını, nə də şəhid qanı ilə islanmış bayrağımızı tapdaladar. Bu ölkə nələr görüb. Çətin günlər keçəcək. Nə ilk olacaq, nə də son. Dolların qalxıb düşməsi ilə bu vətənə, bu millətə heç nə olmaz. Valyuta həmişə dəyişib. Birlik olsaq, hər şeyin öhdəsindən gələcəyik. Biz heç vaxt pulun əsiri olan bir millət olmamışıq”.