Tribuna İnformasiya Agentliyi

Turistlər üçün dünyanın ən məşhur ölkəsi

10 Sentyabr
Ümumdünya turizm təşkilatı Fransanı dünyanın ən çox gedilən ölkəsi adlandırıb. TİA.AZ CNN-ə istinadən xəbər verir ki, reytinqdə birinci yerdə olan Fransanı 86,7 milyon insan ziyarət edib. İkinci yerdə 81,8 milyon turistlə İspaniya, üçüncü yerdə isə 75,9 milyon ziyarətçi ilə ABŞ qərarlaşıb. 60,7 milyon turistlə Çin və 58,3 milyonla İtaliya ilk beşliyi tamamlayır.
Həmçinin ekspertlər sürətlə inkişaf edən turizm istiqamətlərinin də reytinqini təşkil ediblər ki, 55,1% artma ilə Misir cədvələ başçılıq edir. İnkişaf tempinə görə, ikinci yerdə 46,7%-lə Toqo, üçüncüdə 31,1%-lə San-Marino qərar tutub. 29,1%-lə Vyetnam və 27,9%-lə Gürcüstan ilk beşliyi bağlayır.