Təhsildə Keyfiyyət Təminatı Agentliyi 8 aylıq hesabatını açıqladıbackend

Təhsildə Keyfiyyət Təminatı Agentliyi 8 aylıq hesabatını açıqladı

  • whatsapp
  • messenger
  • telegram
  • vkontakte
  • odnoklassniki

Təhsildə Keyfiyyət Təminatı Agentliyi sentyabrın 17-si Təhsil Nazirliyi və Medianın İnkişafı Agentliyinin kütləvi informasiya vasitələrinin nümayəndələri üçün təşkil etdiyi “Media və təhsil dialoqu” adlı maarifləndirici təlimdə iştirak edib.Təhsildə Keyfiyyət Təminatı Agentliyindən Tia.az– a verilən məlumata görə təlimdə Agentliyin “Sənətin varsa, sənədin olacaq!” layihəsi çərçivəsində hazırlanan xüsusi sosial videçarx media nümayəndələrinə təqdim edilib.

Daha sonra Təhsildə Keyfiyyət Təminatı Agentliyinin İdarə Heyətinin sədri Eldar Orucov “Xarici dövlətlərin ali təhsilə aid kvalifikasiyaların tanınması”, “Məktəblərdə inspeksiyaların aparılması” mövzusunda çıxış edərək ötən səkkiz ay ərzində Agentliyin fəaliyyət istiqamətləri barədə hesabatı media nümayəndələrinin diqqətinə çatdırıb. Sədr Agentliyin kollegial idarətmə orqan olduğunu xüsusi vurğuluyaraq təhsil müəssisələrinin akkreditasiyası, qeyri-formal və informal təhsilin tanınması, məktəb inspeksiyası və xarici dövlətlərin ali təhsilə aid kvalifikasiyalarının tanınması  barədə  geniş məlumat verib.

Təqdimatdan sonra Eldar Orucov jurnalistlərin çoxsaylı suallarını cavablandırıb.