Tribuna İnformasiya Agentliyi

Tanınmış həkimə dövlət mükafatı verildi

17 May

“Nərgiz” klinikasının baş həkimi Məlahət Qəhrəmanovaya Patent və Əmtəə Nişanları Mərkəzi tərəfindən mükafat verilib.

TİA.AZ xəbər verir ki, bu barədə klinikanın mətbuat xidmətindən verilən açıqlamada bildirilir. Qeyd edilir ki, M.Qəhrəmanova mükafatı müəllifi olduğu və dünya patenti aldığı qaraciyər müdafiəedici, ödqovucu və iltihab əleyhinə olan dərman vasitəsinə görə alıb. Qeyd edilən dərman vasitəsi həmçinin Avrasiya patenti alıb. M.Qəhrəmanovanın sözlərinə görə, o, rəsmi qeydiyyatda olan dərman bitkiləri ilə məşğuldur: “O dərman bitkiləri ki, ta qədim zamanlardan indiyədək xalqımız tərəfindən təbabətdə istifadə edilir, həmçinin elmi təbabətdə böyük rol oynayır. Azərbaycanda fitoterapiyanın inkişafında illərdir fəaliyyət göstərirəm, çoxlu patentlə ərsəyə gətirmişəm, çox sevinirəm ki, gələcək nəsillərə məndən yadigar qalacaq. Təbii yolla hazırlanan dərmanların kimyəvi dərmanlardan fərqi odur ki, onların insan orqanizminə heç bir mənfi təsiri yoxdur. Aldığım mükafat məni qürurlandırdı. İllərimin zəhmətinin bəhrəsini artıq görməyə başlamışam deyə bilərəm”.

Qeyd edək ki, M.Qəhramanova 7 Azərbaycan, 5 Avrasiya və 1 dünya patentinin sahibidir. Dünya patenti HB, qaraciyər müdafiəedici, öd qaraciyər iltihab əleyhinə alınıb. Bu dünya patenti 159 ölkə tərəfindən tanınır və bu ölkələrdə keçərlidir.
M.Qəhrəmanova 2016- ci ildə İqtisadi İnkişaf Nazirliyinin xətti ilə keçrilən müsabiqədə qalib olub və dövlət ixrac missiyasında iştirak edib, patentlər əsasında hazırlanmış məhsulların, həmçinin saçın tökülməsinə qarşı olan “Məlahət” balzamı və gelinin xarici ölkələrdə təqdimati olub. Bu məhsullar xarici ölkələrdə böyük marağa səbəb olub.
Hepatoprotektiv, ödqovucu, iltihab əleyhinə alınmış dünya patenti 2018-ci ilin İxracatçılıq Sahəsində Beşinci Respublika Müsabiqəsinin qalibi olub və III dərəcəli diploma layiq görülüb.