Sumqayıtdakı yanğına görə vəzifəli şəxslər həbs oluna bilərbackend

Sumqayıtdakı yanğına görə vəzifəli şəxslər həbs oluna bilər

  • whatsapp
  • messenger
  • telegram
  • vkontakte
  • odnoklassniki
“Yanğın təhlükəsizliyi qaydalarının pozulması və səhlənkarlıq halları aşkarlanarsa, vəzifəli şəxslər və direktorlar məsuliyyətə cəlb oluna bilərlər”.
 
 
Bunu Bakupost.az -a hüquqşünas Elçin Sadıqov “Azərsun Sənaye Parkı”nda baş verən yanğınla bağlı danışarkən deyib.
Hüquqşünas bildirib ki, yanğın təhlükəsiziliyi qaydalarının pozulmasına görə Cinayət Məcəlləsində məsuliyyət nəzərdə tutulub:
“İlkin olaraq yanğının səbəbləri araşdırılmalıdır. Bundan sonra digər məsələlərə aydınlıq gətiriliməlidir. Əgər “Azərsun Sənaye Parkı”nın ərazisində baş vermiş hadisə yanğın təhlükəsizliyi qaydalarının pozulması, yaxud kənar təsir nəticəsində baş veribsə, həmin şəxslər məsuliyyətə cəlb olunmalıdır.
Yanğın təhlükəsizliyi qaydalarının pozulmasına və kənar müdaxilələrə görə Cinayət Məcəlləsində məsuliyyət nəzərdə tutulub. Bunun üçün yanğın qaydalarının pozulduğu müəyyən olunmalıdır, daha sonra buna cavabdeh olan vəzifəli şəxslər məsuliyyətə cəlb edilməlidir. Əgər kənar hər hansı bir alışdırıcı cihazla əraziyə yaxınlaşmaq, həmin ərazidə təxribat halları törətmək kimi faktlar ortaya çıxarsa, çox ciddi məsuliyyət və cinayət işi yaranır. Kənar müdaxilə ehtimalı olarsa, vəzifələrini lazımi şəkildə yerinə yetirmədiyinə görə mühafizəçilər də məsuliyyətə cəlb oluna bilər”.