Rusiyanın müdafiə naziri Sergey Şoyqu prezident Vladimir Putinə Mariupolun tutulması ilə bağlı yalan məlumat verib.
TİA.AZ Unian-a isatinadla xəbər verir ki, bu haqda şəhərin müdafiəçilərinin xəbərə reaksiyasında deyilir.
Putinlə Şoyqunun söhbətinin videosunu Rusiyanın təbliğat kanalları yayıb.
Xüsusilə, Şoyqu Putinə Mariupolun “azad edildiyini”, lakin Ukrayna əsgərlərinin “Azovstal” zavodunun ərazisində qaldığını bildirib. Eyni zamanda, Rusiya Müdafiə Nazirliyinin rəhbəri rus diktatorunu əmin edib ki, zavodun ərazisində 2000 “Ukraynalı döyüşçü və xarici muzdlular təhlükəsiz şəkildə blokaadadırlar”. Guya ki, rus işğalçılarının onları məhv etməsinə üç-dörd gün lazımdır, – Unianın xəbərində deyilir.
Putin Şoyquya “Azovstal”a hücumu ləğv etməyi əmr edib, çünki bu, “ağılsızlıqdır”.
Mariupolu müdafiə edən Azov alayının əsgərləri Mariupolun “ələ keçirilməsi” və onların “Azovstal”da bloklanması ilə bağlı bəyanata işğalçıların texnikasının məhv edilməsi ilə bağlı məlumatla reaksiya veriblər.
“Hədsiz çətin vəziyyətə baxmayaraq, “Azov” alayı son iki gündə 3 tank, 2 piyada döyüş maşını və zirehli transportyoru məhv edib”, – məlumatda deyilir.
