Ermənistan Azərbaycan ordusunu sərhəddə əvvəlki mövqelərə qaytarmaq üçün hücuma hazırlaşır. TİA.Az xəbər verir ki, bunu baş qərargah rəisinin müavini, general-mayor Arakel Martikian jurnalistlərin “hansı cavab addımları atılacaq” sualını cavablandırarkən, rəsmi şəkildə açıqlayıb. “Əraziləri bərpa etmək üçün əmr almışıq, əmri yerinə yetirmək borcumuzdur” deyib.
Siyasi şərhçi Asif Nərimanlı bildirir ki, bu açıqlamanın məqsədlərindən biri də daxili ictimai rəyi sakitləşdirmək olduğu bəllidir, lakin bunun üçün belə hücum edəcəklər. Və bunu gizlətmirlər.
Ekspert Zaur Məmmədov isə deyir ki, Ermənistan ordusunun Azərbaycan ordusu istiqamətində törətdiyi təxribatlar və İrəvanın Qərbdəki bəzi dövlətlərlə bağlı qapılar arxasında əldə etdiyi razılaşmalar onu deməyə əsas verir ki, yaxın vaxtlarda daha bir qapaz başlarında çatlayacaq.
“Bu arada, ərköyün Ermənistanın Qafqaza beynəlxalq qüvvələri gətirmək istəyi fonunda İranın susqunluğu qəribə və başadüşülən deyil. Sərhədlərin dəyişməsinə qarşı çıxan Tehran birazdan müxtəlif bayraqlarla silahlı əsgərləri görəndə nə edəcək?
Birmənalı şəkildə qeyd edə bilərik ki, Qarabağla bağlı vaxtın uzatmasının tərəfdarı olan müxtəlif istiqamətli qüvvələrin fəaliyyəti bölgəni geosiyasi toqquşma meydanının hərbi mərhələsinə çatdıra bilər. Bu isə, olduqca təhlükəlidir”.
TİA.Az
