Yaponiyanın ən iri telekommunikasiya şirkətlərindən biri olan “Softbank”ın ötən maliyyə ilindəki (31 mart 2020-ci il tarixində başa çatıb) xalis itkisi təxminən 961,5 milyard yen (8,9 milyard ABŞ dolları) təşkil edib.
TİA.AZ TASS-a istinadən xəbər verir ki, bu, şirkət üçün rekord göstəricidir.
“Softbank”ın maliyyə ilini son 15 ildə ilk dəfə itkilərlə başa vurduğu qeyd olunur. Maraqlıdır ki, şirkət 2018-ci maliyyə ilini ciddi qazancla – 1,41 trilyon yen (13 milyard ABŞ dolları) ilə başa vurmuşdu.
“Kyodo” agentliyinin məlumatına görə, korporasiyanın mənfəətin kəskin azalmasının əsas səbəbi koronavirus pandemiyasından zərər çəkən sahələrə qoyulan investisiyalarla əlaqəli itkilər olub.