Ötən gün Şirvan Şəhər İcra Hakimiyyətinin və YAP şəhər təşkilatının birgə təşkilatçılığı ilə YAP şəhər təşkilatının konfrans zalında “İlham Əliyev-davamlı inkişaf modelinin müəllifidir” mövzusunda elmi-nəzəri konfrans keçirilib.
TİA.AZ xəbər verir ki, konfrans iştirakçıları öncə məktəblilərin İlham Əliyevin həyat və fəaliyyətinə həsr etdikləri rəsm və əl işlərindən ibarət sərgi ilə tanış olublar.
Sonra İlqar Abbasov Azərbaycan Prezidenti İlham Əliyevi öz adından və Şirvan şəhər ictimaiyyəti adından təbrik edib, ali dövləti fəaliyyətində daha böyük nəaliyyətlər və uğurlar arzulayıb.
Azərbaycan Prezidentinin xalqımızın ümummilli lideri Heydər Əliyevin siyasi kursunu uğurla davam etdirdiyini, Azərbacanın davamlı inkişaf modelinin müəllifi olduğunu qeyd edib. Regionların sosial-iqtisadi inkişafı istiqamətində, ordu quruculuğu sahəsində əldə olunan uğurlardan, hüquqi, demokratik və instisional islahatlardan danışıb. Həyata keçirdiyi daxili və xarici siyasətin ana xəttini Qarabağ məsələsi olduğunu bildirib.
O, Azərbaycanın Birinci-vitse prezidenti, Mehriban xanım Əliyevanın rəhbərliyi ilə Azərbaycan həqiqətlərinin, milli-mənəvi dəyərlərinin, adət-ənənələrinin beynəlxalq aləmdə geniş təbliğ edildiyini, respublikamızda keçirilən beynəlxalq səviyyəli tədbirlərin, humanitar forumların mühüm əhəmiyyət kəsb etdiyiniqeyd edib. İcra başçısı beynəlxalq aləmdə Qarabağla bağlı obyektiv rəyin formalaşmasına xidmət edən fəaliyyətindən danışıb.
