“Rusiya bu müharibədə qalib gəlsə, Putin zorakılığın işə yaradığını düşünəcək. O zaman sıra digər qonşularına çata bilər”.
Bu sözləri NATO-nun baş katibi Yens Stoltenberq deyib.
“Prezident Putin hərbi qüvvələrlə birlikdə öz siyasi məqsədləri üçün günahsız ölkəyə və insanlara hücum etdi. Bu halda NATO-nun iki layihəsi var. Birincisi, Ukraynaya dəstək, ikincisi isə bu müharibənin yayılmasının qarşısını almaqdır. Birinci halda biz Ukraynaya özünü müdafiə etmək üçün dəstək verməliyik. Ukrayna xalqı müharibə boyu çox böyük şücaət nümunəsi göstərdi. 2014-cü ildə Rusiyanın Krımı işğalında Ukraynanın arxasında yenə də NATO və koalisiyanın üzvləri olan ABŞ, Kanada, İngiltərə və Türkiyə dayanmışdı” – deyə baş katib bildirib.
