Tribuna İnformasiya Agentliyi

“Sinəm möhtəşəmdir, 50 milyona sığorta etdirəcəm” – Röya

06 Aprel

Səmimidir, əksər şou əhli kimi danışanda sözlərinə ütü çəkmir.  Səmimidir, əksər şou əhli kimi danışanda sözlərinə ütü çəkmir. 

Buna görə də iynəli sözləri çox vaxt başına bəla olur. Amma kim nə deyir-desin, özü demişkən Yaqub kişinin, bu qara qızı sevilir də… Röyanı deyirəm, kişilərin röyasını qarışdıran əməkdar artist Röya Ayxanı… 
Yeniçağ.az-a müsahibə verən Röya ən məhrəm sirlərini açıqladı. 

– Bir çox dünya ulduzları vücudlarının gözəgəlimli əzalarını sığorta etdirir. Sənin gələcəkdə belə bir fikrin varmı? 
– Hələlik bu barədə düşünməmişəm. Amma gələcəkdə belə bir fikrə düşsəm, ilk növbədə, sinəmi sığorta etdirəcəm. 
– Niyə məhz sinəni?
 – Ona görə ki, sinəmdə xal da var, çox qəşəngdir. 
– Bəs qiyməti? 
– Hələ məbləği nəzərdə tutmamışam. Sinəmi zarafatla dedim. Bədənimin hansı əzasını sığorta etdirmək barədə doğrudan fikirləşməmişəm. Cünki elə bir gözəl yerim yoxdur. Amma böyük məmnuniyyətlə, səsimi sığorta etdirərdim. 

– Hansı məbləğə? 
– Ayyy… Çox baha. Bunu səsimdəki rəngi qorumaq üçün edərdim. Demirəm, səsim var (gülür), amma səsimin rəngi var. Amma indi gərək sığorta şirkətləri də real olsun ki, mən bu arzumu reallaşdırım. 
– O rəngin qiyməti də yəqin çox başa olar? 
– Əlbəttə baha, səsimi 100 milyon dollara sığorta etdirərdim. 
– Bəs sinəni?
 – Sən ancaq seksual suallar verirsən də (gülür). Sinəmi 50 milyona, çünki çox möhtəşəmdir. 
– Səmimiyyət başına bəla olurmu? 
– Yox, olmur, rahat adamam mən. Söz-söhbətləri boş verirəm. 
– Cəmiyyətdə səni ən çox nə qıcıqlandırır? 
– Mən Bakıya ancaq işlərimi görmək üçün gəlirəm. Heç nədən xəbər tutmuram. Buna görə çox da problemim olmur. 
– Bakıda yaşamırsan ki? 
– Bakıda da yaşayıram, İstanbulda da. 

– Sevgisiz yaşamaq mümkündür? 
– Sevgi çoxdur həyatımda. 
– Bir sevgini unudub, yenisinə başlamaq üçün Röyaya nə qədər vaxt lazımdır? 
– Düşünürəm ki, bunun üçün mənə 6 ay kifayət edir. (düşünür)…yox… 9 ay. 
– Bir sevgi ilə vidalaşanda depressiyaya düşürsən? 
– Qətiyyən. Mən, ümumiyyətlə, depressiyanın nə olduğunu bilmirəm. Mən də belə adamam.
 – Hesab edirsənmi ki, kişiyə görə depressiyaya düşməyə, stress yaşamağa dəyməz. 
– Əlbəttə dəyər, kişi deyəndə bu siyahıda atam, qardaşım da var axı. 
– Mən ata-qardaşdan danışmıram e, sevgilini nəzərdə tuturam… 
– Azərbaycan kişisinə görə stress yaşamağa dəyər. Çünki azərbaycanlı oğlanlar oğuldur e… Başqa dövlətlərə gedib görəndən sonra bunu hər bir azərbaycanlı qadın başa düşəcək. Seksual suallar qurtarmadı? (gülür) 
– Bir sualıma da cavab alım, mövzunu bağlayaq… Filmə dəvət etsələr, nə qədər qonorar tələb edərsən? 
– Əgər qəşəng bir film olsa, ilk başlanğıcda bir qəpik də götürmərəm. İstəyərəm ki, həmin məbləğ filmin istehsalına xərclənsin. Nəticədə də ortaya mükəmməl film çıxartsınlar. Yalnız ondan sonra qonorar barədə düşünərəm. 

– Erotik filmə çəkilməyə razılıq verərsən? 
– Əlbəttə çəkilərəm. 
– Özünü seksual xanım sayırsan?
 – Yooox, aradabir…(gülür) 
– Bir aylıq xərcin nə qədərdir? 
– Heç soruşma, bu, mənim yaralı yerimdir. Sən birgünlük xərcdən danış, çox bədxərcəm. 
– Özün xərcləyirsən, yoxsa xərcləyirlər? 
– Özüm xərcləyirəm, həm də hamıya. Bütün nəsil mənim əlimə baxır. Oğluma bir kitab alıramsa, bacım uşağına, digər qohumlara da almalıyam; yaxud da geyim… Hüseynə nəsə almışamsa, o biri uşaqları da yadımdan çıxartmıram. Mən də belə insanam, neynim.