Tribuna İnformasiya Agentliyi

Salvadorun sabiq prezidenti 10 il müddətinə azadlıqdan məhrum edilib

13 Sentyabr

Salvadorun sabiq prezidenti Antonio Saka korrupsiyaya görə, 10 il müddətinə azadlıqdan məhrum edilib.

“Report” RİA “Novosti”yə istinadən xəbər verir ki, bu barədə Mərkəzi Amerika ölkəsinin prokurorluğu məlumat yayıb.

“Sabiq prezident Elias Antonio Saka pul və aktivlərin oğurlanması və yuyulmasına görə 10 il müddətinə azadlıqdan məhrum edilib. Sabiq dövlət başçısı korrupsiya ilə bağlı cinayətə görə həbs edilən ilk sabiq prezident olub”, – deyə bəyanatda bildirilir.

Saka 2016-cı ildə korrupsiya və dövlət vəsaitlərinin israf edilməsi ittihamı üzrə həbs olunub. O, 2004-2009-cu illərdə ölkə rəhbəri vəzifəsini tutub.