Əlində retseptlə aptekə gedirsən ki, həkimin təyin etdiyi dərman və ya iynəni alasan. Əgər yoxdursa, çox vaxt əczaçı məlumat belə vermədən, həmin dərmanın əvəzedicisini verir. Bu hal ilə dəfələrlə mən özüm də rastlaşmışam və haqlı olaraq bir neçə əczaçıya narazılığımı da bildirmişəm. Ona görə ki, əziz əczaçılar, bu gün 42 yaşlı Sabirabad sakini , ehtimal olunur ki, məhz bu səbəbdən dünyasını dəyişib. Əvəzedici iynə onu şoka salıb və bədbəxt hadisə yaşanıb.
Sağalmaq üçün iynə vurdurdu, şoka düşərək öldü.
Sabirabad rayonunun Yaxa Dəllək kənd sakini Gülnaz Tapdıqova antibiotik tərkibli iynə vururlduqdan sonra şoka düşüb. 42 yaşlı qadın Şirvan şəhər Mərkəzi Xəstəxanasına çatdırılsa da, onu xilas etmək mümkün olmayıb.
Mərhumun yaxınları iddia edirlər ki, Gülnaz Tapdıqova sınaq iynəsindən şoka düşərək ölüb.
Gülnaz Tapdıqovanın yaxınlarının sözlərinə görə O Şirvan Şəhər Mərkəzi Xəstəxanasında həkim qəbulunda olduqdan sonra aptekə gedərək yazılmış dərmanları alıb. Sonra kənddəki tibb işçisinin qəbuluna gedib.
Qadının həyat yoldaşı deyir ki, eyni vəziyyət bir neçə ay bundan əvvəl də baş verib.
Tapdıqovlar ailəsi qadının dərmanları hansı aptekdən aldığını bilmir.
Məsələdə adı hallanan tibb bacısının mövqeyini öyrənmək üçün üz tutduq yaşadığı ünvana.. Bildirildi ki, həmin şəxs evdə yoxdur. Məlum hadisə ilə bağlı Rayon polis şöbəsinə çağırılıb.
Məsələ ilə bağlı Sabirabad prokurorluğunda araşdırma aparılır.
Məsələ ilə bağlı Sabirabad prokurorluğunda araşdırma aparılır.
