Sabiq gömrük əməkdaşı həbsdə aclığa başladıbackend

Sabiq gömrük əməkdaşı həbsdə aclığa başladı

  • whatsapp
  • messenger
  • telegram
  • vkontakte
  • odnoklassniki

Xəbər verdiyimiz kimi, Dövlət Gömrük Komitəsinin sabiq əməkdaşı, hazırda həbsdə olan Natiq İmanov cəza çəkdiyi 6 saylı Cəzaçəkmə Müəssisəsində aclıq aksiyasına başlayıb. JAMAZ.İNFO xəbər verir ki, bu barədə onun yaxınları məlumat verib.

Məlumatda deyilir ki, Natiq İmanovun aclıq aksiyası etməsinə səbəb onun barəsində açılmış cinayət işinin ədalətli şəkildə aparılmaması, Gömrük Komitəsi rəhbərliyinin qərəzli olması və onun haqqında əsassız ittihamlar irəli sürməsi, habelə sifarişlə həbs olunması və etmədiyi cinayətə görə cəzalandırılmasıdır.

Xatırladaq ki, DGK-nin sabiq əməkdaşı bir müddət əvvəl üzləşdiyi qanunsuzluqlar, hüquq pozuntuları və digər məsələlərlə bağlı dövlət başçısına, Ombudsmana və digər dövlət instansiyalarına müraciət edib.

Onu da xatırladaq ki, sabiq gömrük əməkdaşı Natiq İmanov rüşvət almada ittiham edilir.