Tribuna İnformasiya Agentliyi

Saakaşvili əfv və vəzifə istəmədi…

31 Oktyabr

Gürcüstanın eks-prezidenti Mixail Saakaşvili hazırkı prezidentdən əfv olunmağını istəməkdən imtina edib.

Virtualaz.org yerli KİV-ə istinadən bildirir ki, o, yaydığı bəyanatda heç bir cinayət törətmədiyini və öz haqlarını məhkəmədə müdafiə edəcəyini açıqlayıb.

Saakaşvili Gürcüstanda heç bir vəzifə istəmədiyini də deyib.

Xatırladaq ki, bundan öncə Gürcüstan hökumətinin tələbi ilə Saakaşviliyə qarşı cinayət işi açılıb. 28 oktyabrda keçirilən prezident seçkisində müxalifətin dəstəklədiyi namizədin hökumətin namizədi ilə təxminən eyni səs yığması və seçkilərin ikinci tura qalması Saakaşvilinin qələbə qazanacağı və ölkəyə qayıdacağı təəssüratını yaradıb.