Rusiyalılar prezident Vladimir Putinə müraciət edib.
TİA.AZ xəbər verir ki, Change.org saytında yayımlanan bu müraciətdə onlar Putinə “Gelencik yaxınlığındakı sarayını” uşaqlara verməyi təklif ediblər.
“Bu saray müxtəlif siyasi partiyaların nümayəndələri, televiziya və mətbuatın iştirakı ilə açıq və şəffaf şəkildə uşaqlara verilsin. Gələcəkdə isə kütləvi informasiya vasitələri bu obyektə sərbəst giriş əldə etməli və Rusiya vətəndaşlarına onun oliqarxlar və incə elitanın deyil, sadə rus xalqının uşaqlarının mənafeləri naminə istifadəsi barədə məlumat verməlidir. Hər şeyin yaxşısı uşaqların olsun!” – müraciətdə deyilir.
Xatırladaq ki, “Putin sarayı” haqda ictimaiyyət müxalif siyasətçi Aleksey Navalnının YouTube-da yayımladığı araşdırma materiallarından sonra məlum olub.
