Polşa Varşavadakı Rusiya əmlakının, o cümlədən Rusiya səfirliyinin məktəb binasının müsadirə edilməsi prosesinə başlayıb.
Bu barədə Polşanın Xarici İşlər Nazirliyinin bəyanatında bildirilib.
“Xarici İşlər Nazirliyi diplomatik və konsulluq məqsədləri üçün istifadə edilməyən və Rusiya Federasiyasının qeyri-qanuni mülkiyyətində olan iki daşınmaz əmlak obyekti ilə bağlı icraatının başlanması üçün səlahiyyətli dövlət orqanlarına müraciət edib”, – bəyanatda deyilir.
Qeyd edək ki, söhbət Rusiyanın Polşadakı səfirliyinin nəzdindəki Kiletskaya 45 ünvanında yerləşən məktəb və Sobeski 100 ünvanındakı əvvəllər rus diplomatlarının yaşadıqları, indi isə boş və təmirə ehtiyacı olan binalardan gedir.
