Bu gün günorta saatlarında Rusiya Federasiyasının ilk Prezidenti Boris Yeltsinin müttəfiqi, keçmiş dövlət katibi Gennadi Burbulis 77 yaşında Bakıda vəfat edib.
Bakupost.az xəbər verir ki, bu haqda onun ailəsi məlumat yayıb. Bildirilib ki, o, qaldığı otelin saunasında ölü tapılıb.
Burbulisin sözçüsü Andrey Markov “İnterfaks”a bildirib ki, keçmiş dövlət katibinin səhhətində heç bir problem olmayıb:
“Özünü yaxşı hiss edirdi və IX Qlobal Bakı Forumunda yenicə iştirak edib”.
Qeyd edək ki, Gennadi Eduardoviç Burbulis Boris Yeltsinin ən yaxın silahdaşlarından biri olub. 1991-1992-ci illərdə dövlət katibi və Rusiya Baş nazirinin birinci müavini vəzifələrində çalışıb.
O, son dövrlərdə Putinu kəskin tənqid edənlərdən biri olub. SSRİ-nin bərpasını utopiya adlandırıb.
