Rusiya əhalisinin sayı 50 milyon nəfərə endirilməlidir.
TİA.AZ xəbər verir ki, bunu Polşanın keçmiş prezidenti, Nobel Sülh Mükafatı laureatı Lex Valensa deyib.
O əmindir ki, bugünkü Rusiyanın parçalanması “qlobal təhlükəsizliyi” təmin edəcək.
“Bu gün ukraynalılar kimi ilhaq edilmiş 60 millət var. Rusiyaya bağlı olan bu xalqları böyütmək lazım idi. Ya Rusiyanın siyasi sistemini dəyişməli, ya da əhalinin sayı 50 milyona qədər azaldılmalıdır”, – deyə Valeza Fransanın “Le Figaro” nəşrinə müsahibəsində bildirib .
Keçmiş siyasətçi Qərbi təkcə Ukraynanı Rusiyadan deyil, həm də Rusiyanın özünü azad etməyə çağırıb. Siyasətçi Rusiyada siyasi sistemin dəyişdirilməsinə məcbur edilməsini, eləcə də xalqların üsyanını təşkil etməyi zəruri hesab edir.
Eks-prezidentin fikrincə, rejim dəyişikliyini təşkil etmək mümkün deyilsə, Rusiya parçalanmalıdır.
