Qazaxıstanda yerləşən Rusiya Federasiyasının hərbçiləri Ukraynaya qarşı müharibədə iştirak etməmək üçün geri qayıtmaqdan imtina ediblər.
TİA.AZ xarici agentliklərə istinadən xəbər verir ki, bu barədə Ukrayna Baş kəşfiyyat idarəsi məlumat yayıb.
Rusiya Federasiyasının Qazaxıstanda yerləşən hərbi kontingenti daimi dislokasiya yerlərinə qayıtmaqdan imtina edir. İmtina üçün göstərilən rəsmi səbəb Ukrayna ilə müharibədə tam heyətlə iştirak edən xüsusi hava nəqliyyatının olmamasıdır.
Baş Kəşfiyyat İdarəsinin məlumatına görə, əslində, onlar Ukraynadakı işğalçı kontingentin tərkibini artırmaq istəmirlər. Rusiya Federasiyasının komandanlığı isə Qazaxıstan ərazisinə bu ilin yanvar ayında iğtişaşları yatırmaq üçün göndərdiyi qoşunları tamamilə çıxarmaq niyyətindən vaz keçmir.
Kəşfiyyatın məlumatına görə, hazırda Qazaxıstanda silah və texnikası ilə birlikdə minə yaxın rus əsgəri var. Onlar aerodromları, hərbi poliqonları, neft anbarlarını, Baykonur kosmodromunu qoruyurlar.
Kəşfiyyat Rusiya Ukraynaya qarşı müharibədə iştirak etmək üçün Tacikistan və Ermənistan ərazilərindən silah və texnika ilə birlikdə hərbi kontingentini demək olar ki, tamamilə çıxardığını xəbər edib.
