Ermənistanın keçmiş prezidenti Robert Köçəryan bu səhər Moskvaya üçgünlük səfərə yola düşüb.
TİA.AZ xəbər verir ki, bu haqda ikinci prezidentin ofisindən “Sputnik Ermənistan”a bildirilib.
Səfər xüsusi xarakter daşıyır; 18 dekabrda Moskvada Robert Köçəryanın 2009-cu ildən bəri müstəqil direktor olduğu investisiya kompaniyası AFK Sistemin İdarə Heyətinin iclası keçiriləcək.
Üç günlük səfər çərçivəsində Rusiyada başqa görüşlərin nəzərdə tutulub-tutulmadığı məlum deyil.
