access_time Dərc olunub: 18:40
Vahid Əhmədovdan hökumətə: "Niyə Rəqabət Məcəlləsini qəbul etmirsiniz?"

Deputat Vahid Əhmədov büdcə müzakirələri zamanı çox vacib mövzulara toxunub. O, vəsaitlərin qənaətlə xərclənməsi və nəzarətin təmin olunması üçün Neft Fondundan transfertin miqdarını müəyyən etməyi zəruri sayıb.

Deputat qiymət artımına da diqqət çəkib: “Niyə qiymətlər sürətlə dəyişir? Yağın qiyməti elə dəyişilməz qalıb, heç nə dəyişməyib. Qiymət məsələsində Azərbaycan dövlətinin yol xəritəsi olmalıdır”. V.Əhmədov dedi ki, ƏDV-ni diferansiallaşdırmaq lazımdır: “Elə mallar var ki, ona 30-35 faiz vergi qoysan da, heç bir problem olmaz. Amma elə mallar var ki, 10 faiz vergi qoyulsa, əhali də bahalıqdan əziyyətr çəkməz”. Daha sonra V.Əhmədov təklif etdiyi qanun layihəsinə diqqət çəkdi: "Əgər ölkədə monopoliya yoxdursa, niyə Rəqabət Məcəlləsini qəbul etmirsiniz? İndi baxıram ki, Rəqabət Məcəlləsini 2021-ci ilədək qəbul etmək nəzərdə tutulur. Niyə biz 4 il də gözləməliyik? Mən baxıram ki, Rəqabət Məcəlləsinin qəbuluna nə Prezident Administrasiyası, nə Nazirlər Kabineti, nə də Milli Məclis maraqlı deyil. Çünki bilirlər ki, bu Məcəllə qəbul olunsa, inhisarçılığa mane olacaq”.

"Özü də bu nə siyasətdir? Bankları bağlamaq siyasəti götürüblər. Biz heç vaxt bunun tərəfdarı olmamışıq"-V.Əhmədov əlavə etdi.

 Musavat.com

Şərhlər