Paytaxtda sərt karantin rejiminin davam etdiyi günlərdə Prezident Administrasiyasının (PA) sabiq rəhbəri, AMEA prezidenti Ramiz Mehdiyevin Novxanıdakı villasında nəvəsinə təntənəli toy mərasimi keçirməsi ölkə gündəmini zəbt edib.
Həmin toyla bağlı İctimai TV-də süjet yayımlanıb.
Qeyd edilir ki, bir neçə gündür görüntüləri yayılan toy mərasimi sabiq deputat İlham Əliyevin qızı üçün qurulub. Toyda keçmiş və indiki millət vəkilləri, o cümlədən bəzi dövlət məmurları iştirak ediblər.
Qeyd edək ki, sabiq millət vəkili İlham Əliyev AMEA prezidenti, akademik Ramiz Mehdiyevin kürəkənidir.
