Qırğızıstan müxalifəti hazırkı prezident Sooronbay Jeenbekovun vəzifəsindən kənarlaşdırılmasına nail olmaq niyyətindədir.
TİA.AZ xəbər verir ki, bunu müxalifətçi “Çon Kazat” milli-vətənpərvər partiyasının nümayəndəsi Maksat Mamıtkanov bildirib.
“Biz Sooronbay Jeenbekovun vəzifəsindən kənarlaşdırılmasını nail olmaq niyyətindəyik”, – Mamıtkanov deyib.
“İnterfaks” xəbər verir ki, o, müxalifət partiyalarının Qırğızıstanın yeni konstitusiya qəbul etməsində israrlı olduğunu əlavə edib.
Xatırladaq ki, Qırğızıstan parlamentinə seçki 4 oktyabrda keçirilib. İlkin nəticələrə görə, dörd partiya qanunverici orqana daxil olub: “Birimdik” (Birlik, hökumət tərəfdarı partiyası), “Mekenim Qırğızıstan” (Yurdum Qırğızıstan, hökumət tərəfdarı partiyası), “Qırğızıstan” (mərkəzçi partiya) və “Butun Qırğızıstan” ( “Bütöv Qırğızıstan”, mərkəzçi partiya).
Hakim partiya seçkiləri yenidən keçirməyə razı olub.
