“Qəbələnd” əyləncə mərkəzindən ŞİKAYƏT: – “Əvvəl 5 nəfərə xərcləyəcəyimiz pulu indi…”backend

“Qəbələnd” əyləncə mərkəzindən ŞİKAYƏT: – “Əvvəl 5 nəfərə xərcləyəcəyimiz pulu indi…”

  • whatsapp
  • messenger
  • telegram
  • vkontakte
  • odnoklassniki

“Qəbələnd” əyləncə mərkəzində giriş haqqı müştərini çilədən çıxarıb.

Sonxeber.az-ın məlumatına görə, adambaşına 15 manat giriş pulu tələb edilən “Qəbələnd” əyləncə mərkəzi müştərinin narazılığına səbəb olub.

İmran Rəhim adlı şikayətçinin sözlərinə görə, əvvəl 5 nəfərə xərcləyəcəyi pulu indi giriş üçün verməlidirlər:

“Adambaşına 15 manat giriş haqqı olar? Bu o deməkdir ki, əylənmək varlının haqqıdır, kasıb çəkilib, kənarda dursun. İnsanlar ailəsini sevindirmək, stress atmaq üçün boğazından kəsib ora gedir ki, əylənsin, bunlar da girişə “zarafat” kimi qiymət qoyublar. Əvvəl 5 nəfərə xərcləyəcəyimiz pulu indi giriş üçün verməliyik ki, öncə içəri daxil ola bilək, sonra əlimizi cibimizə atıb əylənək. Fikir verdim ki, bəzi insanlar girişdəki qiyməti eşidib geri qayıtdılar. Bu ölkənin yükü kasıbın boynuna yüklənir, bir əylənmək haqqı var, onu da varlılar alır”.

Məsələ ilə bağlı qarşı tərəfin mövqeyini dərc etməyə hazırıq.