Qasim Süleymaninin yerini ABŞ kəşfiyyatına bildirən şəxs edam olunubbackend

Qasim Süleymaninin yerini ABŞ kəşfiyyatına bildirən şəxs edam olunub

İran İnqilab Keşikçiləri Korpusunun (SEPAH) “Qüds” briqadasının komandanı, general Qasim Süleymaninin ölümündə təqsirləndirilən Mahmud Musəvi Məcd edam edilib.

APA-nın Tehran bürosunun məlumatına görə, casusluqda ittiham olunan şəxslə bağlı çıxarılan hökm iyulun 20-də səhər saatlarında icra olunub.

Mahmud Musəvi Məcd həm İsrail kəşfiyyatına, həm də ABŞ kəşfiyyatına işləyib. O, pul alaraq Qasim Süleymaninin gediş-gəlişi ilə bağlı məlumatları toplayıb və aidiyyəti üzrə ötürüb.

Xatırladaq ki, yanvar ayında Bağdad Hava limanının raket zərbələrinə məruz qalması nəticəsində SEPAH-ın “Qüds” briqadasının komandanı, general Qasim Süleymani və İranın himayədarlıq etdiyi Xalq Səfərbərlik Qüvvələrinin (XSQ) komandan müavini Əbu Mehdi əl-Mühəndisi öldürülüb.

  • whatsapp
  • messenger
  • telegram
  • vkontakte
  • odnoklassniki