“Qarabağ”ın ÇL-dəki rəqibləri müəyyənləşdi

Çempionlar Liqasının 2020/21 mövsümünə I təsnifat mərhələsindən başlayacaq 33 komandadan 28-i bəllidir.

Tia.az xəbər verir ki, hələlik yalnız Rumıniya, Polşa, Sloveniya, Ermənistan və Albaniyada çempion müəyyənləşməyib.

Digər 28 komandadan 23-nün püşkatma zamanı hansı səbətdə yer alacağı da dəqiqləşib. Azərbaycan çempionu “Qarabağ” və daha 11 ölkənin ən yaxşısı səpələnmişlər səbətində qərarlaşıb. Bu, həmin klubların UEFA əmsalına görə reallaşıb.

Bu komandalar I təsnifat mərhələsində səpələnməmişlərlə üz-üzə gələcək. Burada isə 11 klub dəqiqləşib. Həmin komandalar “Qarabağ”ın potensial rəqibləridir.

Belarus çempionu olan Brest “Dinamo”sundan başqa, bütün komandaları arzulanan rəqib hesab etmək mümkündür. İlkin mərhələnin qalibi də səpələnməmişlərdən olacaq. Bu raundda qüvvəsini sınayacağı dəqiqləşən “Linfild” (Şimali İrlandiya) və “Tre Fiore” (San-Marino) də “Qarabağ” üçün mümkün rəqib sayılmalıdır.

ÇL-in I seçmə mərhələsinin püşkü avqustun 9-da atılacaq.

“Seltik” (Şotlandiya)

“Astana” (Qazaxıstan)

“Lüdoqorets” (Bolqarıstan)

“Srvena Zvezda” (Serbiya)

“Qarabağ” (Azərbaycan)

“Makkabi” (Təl-Əviv, İsrail)

“Molde” (Norveç)

“Şerif” (Moldova)

“Ferensvaroş” (Macarıstan)

“Dandolk” (İrlandiya)

“Slovan” (Slovakiya)

“Suduva” (Litva)

“Buduçnost” (Monteneqro)

“Flora” (Estoniya)

“Dinamo” (Brest, Belarus)

“Riqa” (Latviya)

“Konnah” (Uels)

“Europa” (Cəbəllütariq)

“Klaksvik” (Farer adaları)

“Reykyavik” (İslandiya)

“KuPS” (Finlandiya)

“Sileks” (Şimali Makedoniya)

“Floriana” (Malta)

“Omoniya” (Kipr)

“Fola” (Lüksemburq)

“Sarayevo” (Bosniya və Herseqovina)

“Dinamo” (Tbilisi, Gürcüstan)

“Yurqorden” (İsveç)