“Oturun evinizdə, koronavirusun müalicəsi yoxdur…” – Rus həkimbackend

“Oturun evinizdə, koronavirusun müalicəsi yoxdur…” – Rus həkim

Tibb elmləri namizədi, terapevt Anton Rodionov öz Facebook səhifəsində yeni növ koronavirus infeksiyası ilə bağlı ən çox maraq doğuran sualları cavablandırıb.
 
Qaynarinfo xəbər verir ki, Rodionov hazırda həkimlərin COVID-19-un yayılmasına qarşı mübarizədə kömək edən xüsusi bir “gizli sirr”in olmadığına diqqət çəkib. Bundan əlavə, həkimin dediyi kimi, hər kəs deyil, xəstəxanaya yalnız vəziyyəti ağır olanlar yerləşdirilirlər. Bununla belə, hətta tibb müəssisələrində həkimlər də ən təsirli dərmanlarla müalicə etmirlər, çünki heç bir dərman hələ də SARS-CoV-2 ilə mübarizədə mütləq effektivliyini sübut etməyib.
Rodionovun sözlərinə görə, koronavirus infeksiyasının bu günə kimi hələ spesifik bir müalicəsi yoxdur və bəzi dərmanlara qoyulan ümidlər özünü doğrultmayıb.
Həkim xəstəxanaya yerləşdirilmə üçün xəstəliyin özü deyil, onun gedişatının şiddəti əsas götürülür.
“Əgər fiziki cəhətdən çox pisləşərsinizsə, nəfəs darlığı artarsa, təcili yardım çağırıb xəstəxanaya getməlisiniz. Özünüzü yaxşı hiss edirsinizsə, evdə qala bilərsiniz”, – deyə həkim tövsiyə edib.
Rodionov onu da vurğulayıb ki, xəstəxanalarda xəstələrə “bir ovuc mənasız həb” verilir və xəstənin vəziyyəti lap pisləşərsə, həkimlərin ən son həddə ölçü götürürlər.
“Əgər oksigen inqalyasiyası kömək etmirsə, mexaniki ventilyasiyaya keçirlər. Bu vəziyyətdə proqnoz çox zəifdir (ölüm 80%)”, – deyə terapevt təfərrüatları bölüşüb.
Bununla belə həkim sağlamlığın pisləşməsi halında xəstəxanaya təkbaşına gəlməməyi məsləhət görüb. Rodionovun sözlərinə görə, İcbari Tibbi Sığorta Fondu belə bir təşəbbüsdə xəstənin xərclərini öz üzərinə götürməyəcək. Lazımsız problem yaratmamaq üçün həkim evə təcili yardım çağırmağı məsləhət görüb. Ancaq xəbərdarlıq edib ki, hətta təcili yardım heyəti ilə əlaqə də potensial təhlükə ola bilər.
“Oturun evinizdə və azacıq narahat olun. İndi həkimlərlə istənilən üz-üzə ünsiyyət yoluxmaq baxımından çox təhlükəlidir. Əgər sizdə koronavirusdursa… bilin ki, bunun müalicəsi yoxdur”, – Rodionov deyib.
Həkim, həmçinin xəstələri adi pnevmoniya ilə yoluxucu xəstəxanalara aparılmaqdan narahat olmamağa çağırıb, çünki həkimlər bu cür riskləri “çeşidləmə” ilə minimuma endirməyə çalışırlar.
  • whatsapp
  • messenger
  • telegram
  • vkontakte
  • odnoklassniki
www.tia.az