“Notr-Dam-de-Pari”nin bərpasına qərar verildibackend

“Notr-Dam-de-Pari”nin bərpasına qərar verildi

Parisin mərkəzində yerləşən “Notr-Dam-de-Pari” kilsəsi və ya Paris Məryəm ana katolik kilsəsinin orijinal memarlığına sadiq qalınaraq bərpa olunması barədə qərar qəbul olunub.

TİA.AZ xəbər verir ki, məlumatı Türkiyənin NTV telekanalı yayıb.

Bildirilib ki, Fransanın simvolu sayılan kilsənin yanğın zamanı daha çox zərər dəymiş damındakı üzgüçülük hovuzu və ya orqanik bağça olmayacaq. Dam əslinə uyğun bərpa olunacaq.

Bərpa işlərini 2024-cü ildə Fransada keçiriləcək yay olimpiya oyunlarından əvvəl başa çatdırmaq planlaşdırılıb.

Qeyd edək ki, dünyanın mədəniyyət incisi adlandırılan 857 illik “Notr-Dam-de-Pari” kilsəsində 2019-cu il aprelin 15-də yanğın baş verib. 

  • whatsapp
  • messenger
  • telegram
  • vkontakte
  • odnoklassniki