Nəsimi rayonunda Qurban Bayramı münasibətilə sosial aksiyalar keçirilir-FOTObackend

Nəsimi rayonunda Qurban Bayramı münasibətilə sosial aksiyalar keçirilir-FOTO

  • whatsapp
  • messenger
  • telegram
  • vkontakte
  • odnoklassniki

Nəsimi rayon İcra Hakimiyyətinin təşkilatçılığı ilə rayondakı idarə və təşkilatlar,iş adamları, ayrı-ayrı xeyriyyəçilər tərəfindən müqəddəs Qurban bayramı ərəfəsində növbəti sosial aksiya həyata keçirilib.

TİA.AZ xəbər verir ki, aksiya zamanı rayon ərazisində yaşayan Qarabağ müharibəsi veteranları, əlilləri və şəhid ailələri ictimai birliyinin Nəsimi rayon təşkilatının üzvlərinə, Vətən müharibəsi əlillərinə, 20 Yanvar, Çernobl əlilləri, “Qızıl aypara” cəmiyyətlərinin, rayon ərazisində fəaliyyət göstərən digər ictimai birliklərin üzvlərinə, rayonda məskunlaşmış məcburi köçkün ailələrinə, sosial qayğıya ehtiyacı olan rayon sakinlərinə, bütövlükdə 2000-dən artıq ailəyə qurban payları verilib.

Həmçinin aksiya zamanı rayon İcra Hakimiyyətinin məsul əməkdaşları tərəfindən rayon ərazisində yaşayan Vətən müharibəsi şəhidi ailəsi ziyarət edilib, onlara qurban payları, ərzaq bağlamaları və maddi vəsait təqdim olunub.

Rayon sakinləri dövlətimizin diqqət və qayğısı ilə əhatə olunmalarına və müqəddəs Qurban bayramı ərəfəsində onlara göstərilən sosial dəstəyə görə ölkə rəhbərliyinə öz minnətdarlıqlarını bildiriblər.

Nəsimi rayonunda Qurban Bayramı münasibətilə sosial aksiyalar keçirilir
Nəsimi rayonunda Qurban Bayramı münasibətilə sosial aksiyalar keçirilir
Nəsimi rayonunda Qurban Bayramı münasibətilə sosial aksiyalar keçirilir