Neft şirkətləri “qara qızıl”ın qiymətinin ucuzlaşmasına görə investisiya büdcələrini 31 milyard dollar azaldıb.
“Bloomberg” agentliyinin məlumatına əsasən, xərclərini ən çox “Saudi Arabian Oil Co” və “Total” azaltmalı olub:
“Saudi Aramco” — 5,3 mlrd dollar;
“Total” — 3,3 mlrd dollar;
EOG — 2 mlrd dollar;
“Occidental” — 1,7 mlrd dollar;
“LUKOİL” — 1,5 mlrd dollar;
“Continental Resources” — 1,45 mlrd dollar;
“Pioneer” — 1,4 mlrd dollar;
“Diamond” — 1,2 mlrd dollar.
Qeyd edək ki, neftin qiyməti “OPEK+”un neft hasilatının azaldılması üzrə sazişinin pozulması, koronavirusun yayılması və Səudiyyə Ərəbistanı tərəfindən istehsal həcminin artırılması fonunda düşür. “Brent” markalı neftin qiyməti 27 dollar, WTI-ın isə 24 dollar səviyyəsində ticarət edir.
