“Rusiya məmurları daim qəribə mantranı təkrarlayırlar: “Xüsusi əməliyyat vaxtında başa çatdırılacaq”, “Qərb xüsusi əməliyyatın müddətini uzadır”. Deyəsən, onlar hələ də heç nə başa düşməyiblər. Müharibənin bitmə tarixini yalnız Ukrayna, öz ərazilərini tədricən azad etməklə, müəyyən edəcək”.
TİA.AZ xəbər verir ki, bunu Ukrayna Prezident Ofisi rəhbərinin müşaviri Mixail Podolyak öz “Twitter” səhifəsindəki son paylaşımında bildirib
Podolyak qeyd edib ki, Ukrayna təkcə müharibənin bitmə tarixini deyil, həm də “Rusiyanın Ukraynaya ödəyəcəyi reparasiyanın məbləğini” müəyyən edəcək.
