“MİLLİÖN” RƏHBƏRİ DƏYİŞDİ, PÜNHAN NƏRİMANOV GƏLDİ, XİDMƏT İSƏ YENƏ BƏRBAD…backend

“MİLLİÖN” RƏHBƏRİ DƏYİŞDİ, PÜNHAN NƏRİMANOV GƏLDİ, XİDMƏT İSƏ YENƏ BƏRBAD…

  • whatsapp
  • messenger
  • telegram
  • vkontakte
  • odnoklassniki

Azərbaycanda ödəniş bazarında “MilliÖn” ticarət nişanı altında fəaliyyət göstərən “Komtec LTD” MMC-nin İdarə Heyətinin sədri dəyişib. TİA.az-ın xəbərinə görə, iyuldan etibarən Pünhan Nərimanov şirkətin İdarə Heyətinin sədri təyin edilib. Buna qədər şirkətin İdarə Heyəti sədri vəzifəsində Teymur Cəfərov idi. Lakin bu dəyişiklik də “Milliön” xidmətində müsbət irəliləyişə gətirib çıxarmayıb.

Hazırda bu xidmətə məxsus ödəmə terminalları ölkədə ən etibarsız aparatlar olaraq ictimai rəydə qəbul olunmaqdadır. P. Nərimanovun gəlişinin təxminən 1 ayının tamam olmasına az qalıb, lakin yenə də “Milliön” aparatları gah nasazdır, gah donur, gah kartları qəbul etmir. Eyni zamanda ödənişlərin uğursuz olması, bir çox marketlərdə bu aparatların monitorunun işləməməsi faktdır.

Müştərilər şikayət edirlər ki, “Milliön” aparatından istifadə edəndə peşman olurlar. Çünki gah qəbz vermir, gah ödəniş əməliyyatı baş tutmur və müştəri ilə xidmət arasında problem yaşanır. Əsasən də aparatların donması ən ciddi problemdir. Ümumiyyətlə, sözügedən şirkət keyfiyyətdə yeniləmələr etməyib. Halbuki əldə edilən gəlirlər hesabına yeni ödəmə aparatları alına bilərdi. Ona görə bu bazarda gedən rəqabətdə digər şirkətlərə uduzurlar. P. Nərimanovdan sonra xidmətdə hansı dəyişikliklər olduğu müşahidə edilmir.

TİA.az