Tribuna İnformasiya Agentliyi

Millət vəkili Gədəbəydə müəllimlər və şəhid ailələri ilə görüşüb və önəmli məsələlər ilə bağlı çağırış edib

13 İyul

Millət vəkili Qənirə Paşayeva “Sağlamlığın Qorunması” İB-nin rəhbəri Yazgül Abdiyevanın təşkilatçılığı ilə Gədəbəy rayonun Samanlıq kəndində keçirilən tədbirdə iştirak edib. Millət vəkili Q.Paşayeva kənd sakinlərinin sağlamlıqla bağlı bilgilərinin genişlənməsinə dəstək olmaq, həm də onları narahat edən bəzi problemlərin aradan qaldırlmasına kömək etmək məqsədi daşıyan bu tədbirdə çıxış edərək bildirib ki, uşaqlar arasında skalioz və kifozların sürətlə artması hamını ciddi narahat edir və zamanında bu hal aşkarlanıb tədbirlər görülməzsə, bundan əziyyət çəkən hər bir uşağın gələcəyi çox ağır xəstəliklərlə keçəcək. Bu, millətimizin sağlam gələcəyi üçün çox vacib məsələdir deyən millət vəkili Q.Paşayeva bütün həkimləri, müəllimləri, ailələri, ziyalıları bu məsələyə böyük diqqət ayırmağa çağırıb. Millət vəkili Q.Paşayeva bildirib ki, bir sıra inkişaf etmiş Avropa ölkələrində məhz profliaktik tədbirləri gücləndirməklə bu problemi tamamilə yox səviyyəsinə endirməyə nail olunub və bu məsələdə ailələrin, həkimlərin və müəllimlərin üzərinə böyük vəzifələr düşür. Gənclərin mütləq bir peşə sahibi olmasının önəmini xüsusi vurğulayan millət vəkili Q.Paşayeva bildirib ki, hansı peşənin sahibi olmasından asılı olmayaraq hər bir gəncimiz eyni zamanda orta məktəb illərindən tariximizi, ədəbiyyatımızı da yaxşı öyrənməlidirlər. Millət vəkili Qənirə Paşayeva gənclər arasında zərərli vərdişlərə narkomaniyaya, siqaretə, qumar oyunlarına aludə olan gənclərin artması hamımızı ciddi narahat etməlidir deyib. Ona görə ailələrlə bərabər bu məsələdə məktəblərimizin də üzərinə böyük məsuliyyət düşür, deyib. Məktəb təhsil verməklə bərabər vətəndaş da yetişdirir və müəllimlərimizdən xahiş edirik ki, gənclər arasında zərərli vərdişlərlə bağlı mütəmadi söhbətlər aparsınlar, gənclər arasında bu zərərli vərdişlərə tutulanları gördükdə zamanında gec olmadan onlara dəstək olmağa daha da çox çalışsınlar. Müəllimlər toplumun ziyalılarıdır və bu gün sizin bu məsələlərdə də böyük dəstəyinizə ehtiyac var. Eyni zamanda gənclərin onların üçün lazımsız, mənasız sadəcə zamanlarını əllərindən alan verlişlərdən uzaq durmaları və zamanlarını oxumağa, öyrənməyə, boş zamanlarını isə kitablar oxumağa ayırmalarının vacibliyi ilə bağlı müəlimlərimizin daim gənclərlə söhbətlərinə böyük ehtiyac var deyən millət vəkili Qənirə Paşayeva mən inanıram ki, bu məsələlərdə əziz müəllimlərin səyləri daha da artacaq deyib.

Millət vəkili Q.Paşayeva eyni zamanda Gədəbəyin mərkəzində və Samanlıq kəndində şəhid ailələri ilə görüşüb və şəhidlərimizi heç zaman unutmayacağımızı, onları hər zaman sevgiylə anacağımızı,  şəhid ailələrinə daha çox diqqət və qayğının göstərilməsi hər bir azərbaycanlının vəzifəsidir deyib. Şəhid ailələrimizə hər bir azərbaycanlı diqqət və qayğı ilə yanaşmalıdır deyən millət vəkili Q.Paşayeva hər zaman sizin yanınızdayıq, bütün Azərbaycan üçün siz çox dəyərlisiniz deyib. Dövlətimizin hər zaman şəhid ailələrinə dəstək və qayğısından danışan millət vəkili  biz hamımız, o cümlədən şəhid ailələrimiz Ali Baş Komandan cənab Prezident İlham Əliyevin rəhbərliyi altında torpaqlarımızın işğaldan azad olunacağına və bütün şəhidlərimizin ruhunun o zaman sakitlik tapacağına əmindirlər. Q. Paşayeva “o gün uzaqda deyil, inşallah torpaqlarımızı işğaldan azad edəcəyik və şəhidlərimizin də ruhu şad olacaq,”- deyərək bütün şəhidlərimizə Allahdan rəhmət diləyib. “Ölkəmizin Birinci vitse-prezidenti Mehriban Əliyevanın şəhid ailələrimizə hər bir azərbaycanlı diqqət və qayğı ilə yanaşmalıdır çağırışı etmişdi”, – deyən millət vəkili Q.Paşayeva “hər zaman sizin yanınızdayıq, bütün Azərbaycan üçün siz çox dəyərlisiniz”, – deyib.  Şəhid ailələri ilə geniş söhbətlər, fikir mübadiləsi olub, millət vəkili Q.Paşayeva  hər bir şəhid ailəsini ayrılıqda da dinləyib və hər zaman yanınızdayıq deyib. Millət vəkili Q.Paşayeva həmçinin Gədəbəyin ilk Milli Qəhrəmanı, polis baş leytenantı İlham Əliyevin anası ilə də görüşüb, söhbət edib, qayğıları ilə maraqlanıb, hər zaman yanınızdayıq deyib.

Millət vəkili Q.Paşayeva Gədəbəyin mərkəzində və Samanlıq kəndində yerli sakinlərlə də görüşüb, geniş fikir mübadiləsi aparıb. Gədəbəyin mərkəzində və Samanlıq kəndində müəllimlər, ziyalılar, yerli sakinlərlə görüşlər çərçivəsində millət vəkili Q.Paşayeva  onlara müəllifi olduğu kitabları imzası ilə hədiyyə edib.

Millət vəkili Q.Paşayevanın Samanlıq kəndində tədbirdə çıxış videosunun linkini burdan izləyə bilərsiniz.