22 yaşlı şəhid gizir Xudayar Yusifzadənin ifasında “Vətən yaxşıdır” mahnısı günlərdir ki, sosial şəbəkələrdə ən çox izlənilən videodur.
Qaynarinfo xəbər verir ki, Azərbaycanın Xalq artisti, Şərəf, Şöhrət və İstiqlal ordeni laureatı Əlibaba Məmmədov mahnının müəllifi kimi “ölkə.az”a açıqlama verib.
Ustad xanəndə bildirib ki, mahnının Xudayarın adı ilə adlandırılması ilə bağlı heç bir qəbahət görmür:
“Bu mahnı 60 ilin mahnısıdır. Bu vaxta qədər necə adlandırıblarsa, elə də qalmalıdır. Amma mənimçün təfavütü yoxdur, yüzdən artıq mahnım var. Necə istəyirlər, adlandırsınlar. O bizim üçün canını, qanını verib, hamımız ona borcluyuq”.
