Tribuna İnformasiya Agentliyi

Məşhurlarımızın instaqrama ödədiyi dollarlar…

14 Aprel

Bu gün erməni haker qrupu tərəfindən sənətçi Eldar Qasımovun instaqram səhifəsinin ələ keçirilməsi şou gündəmini zəbt edib. 

Bu gün erməni haker qrupu tərəfindən sənətçi Eldar Qasımovun instaqram səhifəsinin ələ keçirilməsi şou gündəmini zəbt edib.

“Qafqazinfo” xəbər verir ki, sosial şəbəkədə Azərbaycan əleyhinə paylaşımlar edilib, ingilis dilində fikirlər qeyd edilib. 

Eldarın səhifəsini həmkarları paylaşaraq profilin şikayət olunması barədə çağırış ediblər. Ancaq zaman-zaman yerli məşhurların tez-tez səhifələrinin sındırılması ilə rastlaşırıq. Onlardan Tunar Rəhmanoğlu, Günay İbrahimli,  Zenfira Ibrahimova və başqalarını misal çəkə bilərik. 

 

Bəs görəsən,  Azərbaycanlı tanınmışlar öz hesablarını necə qoruyur?

Şou arenasının ulduzları bunun üçün səhifələrinin İnstaqram rəhbərliyinin rəsmi şəkildə tanınmasına çalışırlar. Tanınmışlar şəxsiyyətini təsdiq edən sənədləri, öz şəxsi məlumatlarını bu işlə məşğul olan şirkətə göndərirlər. Azərbaycanda rəsmi tanınmanı həyata keçirəcək şəxslər olmadığından daha çox Rusiya və Türkiyəyə müraciət olunur. 

Rəhbərlik həmin şəxs barədə araşdırma aparır və onun izləyici sayı, məşhurluğu nəzərə alınır. Yerli sənətçilər bunun üçün xüsusi rüsum ödəyir. Rüsumlar isə 1000-1500 dollar arasında dəyişir.  Müraciətdən bir müddət sonra şou üzvlərinə sorğu göndərilir və səhifənin rəsmiləşməyi barədə məlumat verilir.   

Səhifə rəsmiləşdikdən sonra profil qurumun birbaşa nəzarətində olur və təhlükəsizlik məsələləri xüsusi diqqətdə saxlanılır və profilin hakerlər tərəfindən ələ keçirilməsi çətinləşir. 

Azərbaycanda səhifələrini rəsmiləşdirəcək şəxslər barmaqla sayılacaq qədərdir. Bu siyahıya Aygün Kazımova, Röya Ayxan, Günay İbrahimli, Sevda Yəhyayeva, Tarix Əliyev, Oksana Rəsulova, Tünzalə Ağayeva və İlhamə Qasımovanı misal çəkə bilərik.