Təhsil Nazirliyinin açıqladığı rəqəmlərə görə, sentyabrın 22-də 10 şagirddə və yeddi nəfər işçi heyətdə koronavirus aşkarlanıb.
Bir neçə gündür ki, sosial şəbəkələrdə məktəblərin yenidən bağlanacağı ilə bağlı müxtəlif müzakirələr gedir.
“Kütləvi xəstəlik şübhəsi hallarında hava-damcı yolu ilə keçən yoluxucu xəstəliklərin əmələ gəlməsi, yaxud yayılması təhlükəsi yarandığı zaman Azərbaycan Respublikası Səhiyyə Nazirliyinin gigiyena və epidemiologiya mərkəzlərinin rəyi əsasında Azərbaycan Respublikasının Təhsil Nazirliyini məlumatlandırmaqla, təhsil müəssisəsinin və ya ayrı-ayrı siniflərin (qrupların) fəaliyyətinin dayandırılması barədə qərar qəbul edilməlidir”, – deyə Nazirlikdən bildirilib.
Qeyd edək ki, yeni tədris ili başlayandan bu günədək 105 şagird və 33 nəfər işçi koronavirusa yoluxub.