Məhkəmə Köçəryandan konstitusiya quruluşunu devirmək ittihamlarını götürübbackend

Məhkəmə Köçəryandan konstitusiya quruluşunu devirmək ittihamlarını götürüb

  • whatsapp
  • messenger
  • telegram
  • vkontakte
  • odnoklassniki

Ermənistanda məhkəmə Konstitusiya Məhkəməsinin (KM) qərarı əsasında ölkənin sabiq prezidenti Robert Köçəryana qarşı irəli sürülmüş konstitusiya quruluşunu devirmək ittihamlarını geri götürüb.

“Report” “Sputnik Armeniya”ya istinadən xəbər verir ki, İrəvanın ümumi yurisdiksiyasının hakimi Anna Danibekyan KM-in 300.1-ci maddəni (konstitusiya quruluşunun devrilməsi) Konstitusiyaya zidd elan etdiyi üçün “1 mart” işi üzrə cinayət işinə xitam verilməsi barədə qərar çıxarıb.

Qərar sabiq baş qərargah rəisi Yuri Xaçaturov və keçmiş müdafiə naziri Seyran Ohanyana qarşı həbs qətimkan tədbirinin ləğv ediləcəyini nəzərdə tutur, çünki onların hər ikisi yalnız bu maddə ilə ittiham olunurdu. Köçəryan və keçmiş baş nazir müavini Armen Gevorkyan başqa cinayətlərdə də ittiham olunduqlarından onlarla bağlı cinayət təqibi isə davam edəcək. Ermənistanın ikinci prezidenti külli miqdarda rüşvət almaqda, Gevorkyan isə çirkli pulların yuyulmasında ittiham olunur.