Masallının Bədəlan kəndində yaşayan 11 yaşlı uşağın “Şaxta baba”ya məktubu sosial şəbəkələrdə marağa səbəb olub.
BakuPost xəbər verir ki, Tufan adlı uşaq məktubunda atasından sonra anasını da itirdiyini, çox kədərli olduğunu qeyd edib: “Salam, Şaxta baba. Mən bu il çox kədərliyəm. Çünki atamdan sonra anamı da itirdim. Çox darıxıram. Bilirəm, sən onları gətirə bilməzsən. Amma az da olsa məni sevindirə bilərsən. Mən heç nə yazmıram, sən nə istəsən gətirərsən”.
Uşağın məktubunu Güvən Xeyriyyə və Dostluq Cəmiyyətipaylaşıb. Sosial şəbəkə istifadəçiləri isə uşağı hədiyyə yağışına tutmağı və onu sevindirməyi təklif edib.
